ދިވެހިރާއްޖޭގެ ޤައުމީ ޔުނިވަރސިޓީގެ ސްޓޫޑަންޓް ޔޫނިއަންގެ (އެމް.އެން.ޔޫ.އެސް.ޔޫ) ގޮފި ސިއާ ގެ ހުސްވެފައިވާ މީޑިއާ ކޯޑިނޭޓަރގެ މަޤާމަށް ނަޒީމް ނައުޝާދު ހޮވިއްޖެއެވެ.
ސިއާ ގެ މީޑިއާ ކޯޑިނޭޓަރގެ މަޤާމަށް ނަޒީމް ހޮވިފައިވަނީ، ކުރިން އެމަޤާމުގައި ހުރި ރުޤިއްޔާ ޝަޖަން އެ މަޤާމުން އިސްތިޢުފާ ދިނުމުންނެވެ. ސިއާ ގެ މީޑިއަރ ކޯޑިނޭޓަރ އަދި ސެކްރެޓެރީ މަޤާމުން ވަކިވެފައިވަނީ ސިއްޙީ ޙާލަތު މިވަގުތު ހުރި ގޮތުންނާއި އަމިއްލަ ކަންކަން މިވަގުތު ހުރި ގޮތުން އެމް.އެން.ޔޫ އިން ކިޔެވުން މެދުކަނޑާލުމަށްފަހުއެވެ. ސިއާ ގެ ސެކްރެޓެރީގެ މަޤާމަށް މީހަކު ކުރިމަތިލައިފައި ނުވާތީ އެއްވެސް މީހަކު ހޮވިފައެެއް ނުވެއެވެ. އަދި އެ މަޤާމު މިވަގުތު އޮތީ ހުސްކޮންނެވެ.
ސިއާ ގެ މިހާރުގެ ހިންގާ ކޮމެޓީގެ މެމްބަރުންނަކީ:
- ރައީސް – އަޙްމަދު ޝުނޫން
- ނައިބުރައީސާ (ޢިލްމީ) – ޒުހުރާ އިސްމާޢިލް
- ނައިބުރައީސް (ޢަމަލީ) – އަޙްމަދު ޝައްފާޒު
- މީޑިއާ ކޯޑިނޭޓަރ – ނަޒީމް ނައުޝާދު
- ހަޒާންދާރު – ރުޤިއްޔާ ރިމާނާ
- ސެކްރެޓަރީ –
އެމް.އެން.ޔޫ.އެސް.ޔޫ ގެ މަޤާމެއްގައި އަދި އެސް.ޔޫ ގެ ގޮތްޕެއްގެވެސް މަޤާމެއްގައި ރާއްޖެއިން ބޭރު ދަރިވަރެއް މީގެ ކުރިން ހަރަކާތްތެރި ވެފައެއްނެތެވެ. ސިއާގެ މީޑިއާ ކޯޑިނޭޓަރ އަށް ނަޒީމް ވެގެން ދިއުމަކީ އެ ޝަރަފު ފުރަތަމަ ފަހަރަށް ހޯދިފަރާތަކަށް އޭނާ ވުމެވެ. ނަޒީމް އަކީ އިންޑިއާ އަށް ނިސްބަތްވާ ދަރިވަރެއްކަމުގައިވިޔަސް، އޭނާއަށް ފަރިތަކަމާއެކު ދިވެހިން ވާހަކަ ދައްކަން އެނގެއެވެ.
ނަޒީމް އަށް މީޑިއަރ ކޯރޑިނޭޓަރ ކަމުގެ ލިޔުން ހަވާލުކޮށްފައިވަނީ އެމް.އެން.ޔޫ.އެސް.ޔޫ ބަހުސް މުބާރާތް 2018 ނިންމުމުގެ ރަސްމިއްޔާތުގައެވެ. ޖުމުލަ 4 ފެކަލްޓީއަކުން ބައިވެރިވި މި ފޯރިގަދަ ބަހުސް މުބާރާތުގެ އެއްވަނަ ހޯދާފައިވަނީ އެމް.އެން.ޔޫ ބިޒްނަސް ސްކޫލުންނެވެ. ފައިނަލުގައި ފެކަލްޓީ އޮފް އެޑިއުކޭޝަން އާއި ވާދަކޮށް ބީ.އެސް އިން ޗެމްޕިއަންކަން ހޯދީ 30 ޕޮއިންޓުގެ ތަފާތުންނެވެ. މި މުބާރާތުގައި ދެން ބައިވެރިވެފައިވާ އަނެއް ދެ ފެކަލްޓީއަކީ، ފެކަލްޓީ އޮފް އާރޓްސް އަދި ސްކޫލް އޮފް ނާރސިންގ އެވެ.
ލިޔުނީ: ރުޤިއްޔާ ރިމާނާ، ޙަޒާންދާރު، ސިއާ
