ދިވެހިރާއްޖޭގެ ގައުމީ ޔުނިވަރސިޓީގެ ދަރިވަރުންގެ ޔޫނިއަން (އެމް.އެން.ޔޫ.އެސް.ޔޫ)އިން އިންތިޒާމް ކޮށްގެން ބާއްވާ އިންޓަރ ފެކަލްޓީ ވޮލީ މުބާރާތުގައި ވާދަކުރާ ފެކަލްޓީ އޮފް އާރޓްސްގެ ދެ ޓީމަށް ވެސް ޖާރޒީ ހަވާލު ކުރުމުގެ ރަސްމިއްޔާތު ބާއްވައިފިއެވެ.
މިއަދު މެންދުރު 13:30 ގައި ފައުންޑޭޝަންގެ A3-13 ކްލާސްރޫމްގައި ބޭއްވި މި ރަސްމިއްޔާތު ޝަރަފްވެރި ކޮށްދެއްވީ ޤައުމީ ފުޓްބޯޅަ ޓީމްގެ ކެޕްޓަން އަކުރަމް އަބްދުލްޣަނީއެވެ. އަދި އަންހެން ޓީމްގެ ކުޅުންތެރިންނަށާއި ފިރިހެން ޓީމްގެ ކުޅުންތެރިންނަށް ޖާރޒީ ހަވާލުކޮށް ދެއްވީވެސް ޝަރަފްވެރި މެހެމާނެވެ. މީގެ އިތުރުން 2 ޓީމްގެ އޮފިޝަލުންގެ ޖާރޒީ ހަވާލުކޮށް ދެއްވީ ފެކަލްޓީ އޮފް އާރޓްސްގެ ލެކްޗަރާއެއް ކަމުގައިވާ ޝަމްޢާން ޝާކިރު އެވެ.
މި ހަފްތާގެ ހޯމަ ދުވަހުން ފެށިގެން ހޮނިހިރު ދުވަހުގެ ނިޔަލަށް އެފްއީ ޕީއީ ހޯލްގައި ބާއްވާ އިންޓަރ ފެކަލްޓީ ވޮލީ މުބާރާތުގެ އަންހެން ޑިވިޝަންގައި 9 ޓީމް ބައިވެރި ވެފައިވާއިރު ފިރިހެން ޑިވިޝަންގައި 8 ޓީމް ވަނީ ބައިވެރިވެފައެވެ.
ފެކަލްޓީ އޮފް އާރޓްސްގެ ފިރިހެން ޑިވިޝަންގެ ފުރަތަމަ މެޗް ކުޅުމަށް ހަމަ ޖެހިފައިވަނީ މިރޭ 21:00 ގައެވެ.
ލިޔުނީ: ރުޤިއްޔާ ރިމާނާ
ނައިބު ރައީސާ (ޢަމަލީ)
ސްޓޫޑެންޓްސް އިނިޝިއޭޓިވް އޮފް އާރޓްސް
