އެމް.އެން.ޔޫ.އެސް.ޔޫ އިންޓަރ ފެކަލްޓީ ބަހުސް މުބާރާތް 2019 ގައި އެފް.އޭ ގެ ދެ ޓީމު ބައިވެރިވެއްޖެއެވެ.
މުބާރާތުގެ ފުރަތަަމަ ބަހުސްގައި، ’ބިދޭސީ މަސައްކަތްތެރިންގެ ސަބަބުން ދިވެހި އިޤްތިޞާދަށް ކުރަނީ ނޭދެވޭ އަސަރެވެ.‘ މި މައުޟޫއާ އެއްކޮޅަށް އެފް.އޭ – ޓީމް އޭ، ބަހުސް ކުރުމަށް ނިކުންނާނީ މި މައުޟޫއާ ދެކޮޅަށް ބަހުސް ކުރުމަށް ހަމަޖެހިފައިވާ ސީ.އެފް.އެސް ގެ ބީ ޓީމާއި ވާދަކުރުމަށެވެ. ވީ.ޕީ (ޢިލްމީ) ނަޒީމް ނައުޝާދުގެ މެނޭޖަރ ކަމުގައި ބައިވެރިވެފައިވާ އެފް.އޭ ގެ ޓީމު އޭ ގެ ބަހުސްކުރުންތެރިންނަކީ ،ސިއާ ގެ ޙަޒާންދާރު މުޙަަައްމަދު ރާއިދު ސަޢީދު، ހަފްސީ ޢަބްދުﷲ، މުޙައްމާދު އައިން އައިމަން އަދި ޒުހުރާ އިސްމާޢިލް އެވެ.
ްެއެފް.އޭ – ޓީމް ބީ ބަހުސް ކުރުމަށް ހަމަޖެހިފައިވަނީ އެފް.އީ ގެ ބީ ޓީމާއެވެ. ކުރިއަށް އޮތް ބުދަ ދުވަހު އޮންނަ މި ބަހުސްގައި، އެފް.އޭ ވަކާލާތުކުރާނީ، ތަރައްޤީ ވެވޭނީ ތިމާވެށި ހިމާޔަތް ކޮށްގެންނޭ ބުނެއެެވެ. ހަމަ އެއާ އެކު ތިމާވެއްޓާ ނުލައިވެސް ތަރައްޤީ ވެވޭނެކަމަށް ބުނެ އެފް އީ ގެ ބީ ޓީމުން މިއަށް ރައްދު ދެމުން ގެންދާނެއެވެ. ސިއާގެ ރައީސް އަޅުގަނޑު އަޙްމަދު ޝައްފާޒު، ޙުސައިން މަޚްތޫމް، ޢާއިޝަތު ރިފާ އަދި މަރްޔަމް ޝަހުދާ ހިމެނޭ އެފް.އޭ ބީ ޓީމުގެ މެނޭޖަރަކީ ސިއާގެް ވީ.ޕީ (ޢަމަލީ) ރުޤިއްޔާ ރިމާނާ އެވެ.
ކޮންމެ އަހަރަކުވެސް އެމް.އެން.ޔޫ.އެސް.ޔޫ އިން އިންތިޒާމް ކޮށްގެން ކުރިއަށް ގެންދާ ބަހުސް މުބާރާތުގެ 6 ވަނަ މުބާރާތް މާދަމާރޭ ފެށޭއިރު ކުރީ އަހަރު ތަކެކޭ ޚިލާފަށް މި އަހަރު ކޮންމެ ފެކަލްޓީ އަކުން ވެސް ދެޓީމު ނެރުމުގެ ފުރުސަތު ވަނީ ހުޅުވާލައިފަ އެވެ. މިއީ މި ގޮތަށް ބޭއްވޭ ފުރަތަމަ ބަހުސް މުބާރާތަށް ވާއިރު، އެކި ފެކަލްޓީތަކުގެ 12 ޓީމް މި މުބާރާތުގައި ބައިވެރިވެފަައިވެއެވެ. ނޮކް އައުޓް އުސޫލުން ދެ ބުރަކަށް ބަހާލައިގެން ބާއްވާ މި ބަހުސް މުބާރާތުގެ ފޯރި އެހެން އަހަރުތަކަށްވުރެ ގަދަވާނެކަމަށް ލަފާކުރެވެއެވެ.
ލިޔުނީ: އަޙްމަދު ޝައްފާޒު
ރައީސް
ސްޓޫޑެންޓްސް އިނިޝިއޭޓިވް އޮފް އާރޓްސް
