ދެވަނަ ބުރުގައި 147 ޕޮއިންޓްގެ ބޮޑު ފަރަގަކާއިއެކު އެފް.އީ ގެ ޓީމް އޭ ކަޓުވާލުމަށްފަހު އެފް.އޭ ގެ ޓީމް އޭ ސެމީ ފައިނަލަށް ގޮއްސިއެވެ.
ދެވަނަ ބުރުގައިީ ފެކަލްޓީ އޮފް އެޑިއުކޭޝަން (އެފް.އީ)ގެ އޭ ޓީމު 819-672 ޕޮއިންޓް އިން ކާމިޔާބުކޮށް ފެކަލްޓީ އޮފް އާޓްސް (އެފް.އޭ)ގެ އޭ ޓީމު ސެމީފައިނަލުން ޖާގަ ކަށަވަރު ކޮށްފިއެވެ. މި ބަހުސްގެ އެންމެ މޮޅު ބަހުސް ކުރުންތެރިއަކަށް ހޮވިފައިވަނީ މިއަހަރުގެ ކުރީ ކޮޅުގައި އޮތް ޤައުމީ ބަހުސް މުބާރާތުގައި އެމް.އެން.ޔޫ.އެސް.ޔޫގެ ޓީމުގެވެސް ބައިވެރިއެއް ކަމުގައިވާ، ފެކަލްޓީ އޮފް އާޓްސްގެ އޭ ޓީމްގެ މުޙައްމަދު ރާއިދު ސައީދުއެވެ.
ދެވަނަ ބުރުގެ 3 ބަހުސްގެ ތެރެއިން އެންމެ މަތިން ޕޮއިންޓް ހޯދައިގެން ފައިނަލަށް ދަތުރު ކޮށްފައިވަނީ އެފް.އެލް.އައި.އެސް ގެ ޓީމް އޭ އެވެ. އެފް.އެލް.އައި.އެސް.ގެ ޓީމް ބީ އާއި ވާދަ ކުރާ ސެމީ ފައިނަލު މެޗްގައި ބަހުސް ކުރަން ހަމަޖެހިފައިވާ މަޢުޟޫޢު އަކީ “ ރާއްޖެއަށް ބޭނުންވާ މިންވަރަށް ރާއްޖޭގައި ކާބޯތަކެތި އުފެއްދޭނެއެެވެ“. އާޓްސް ގެ ޓީމް އޭ އިން ވަކާލާތު ކުރާނީ މި މަޢުޟޫޢު އާ ދެކޮޅަށެވެ.
ސެމީ ފައިނަލުގެ ބަހުސް އޮންނާނީ މާދަމާ ރޭ، ސީ.އެފް.އެސް. ގެ އޮޑިޓޯރިއަމްގައެވެ.
ލިޔުނީ: އަޙްމަދު ޝައްފާޒު
ރައީސް
ސްޓޫޑެންޓްސް އިނިޝިއޭޓިވް އޮފް އާރޓްސް
