އެމެރިކަން ސެންޓަރ(މާލެ) އަދި ސިއާ ގުޅިގެން ’ޔުއަރ ޓާން- ޔޫ ޑޫ ކައުންޓް‘ ނަމުގައި ވޯޓު ލުމުގެ މުހިއްމު ކަމާއި ބެހޭ ގޮތުން މަޢުލޫމާތު ސެޝަނެއް ބާއްވައިފިއެވެ.
ނޮވެންބަރު 5 ވަނަ ދުވަހު މި ސެޝަން އެންމެ ފުރަތަމަ އެމް.އެން.ޔޫގައި ބާއްވާގޮތައް އޮތްނަމަވެސް ފަހުން މި ސެޝަން ބާއްވާފައިވަނީ އެމެރިކަން ސެންޓަރގައެވެ. މި ސެޝަން ގައި މަޢުލޫމާތު ދެއްވާފައިވަނީ ވޯޓް އަދި އިލެކްޝަންގެ ދާއިރާގައި ރާއްޖޭގައި ހުންނެވި އެންމެ ތަޖުރިބާކާރު އެއްބޭފުޅާ ކަމުގައިވާ އަލްފާޟީލް ފުޢާދު ތަވްފީޤް އެވެ. އަދި ހަމަ އެހެންމެ މިއީ މިއަހަރު ސިއާ އާއި އެމެރިކަން ސެންޓަރ ގުޅިގެން ބޭއްވި ދެވަނަ ހަރަކާތް ކަމުގައިވެސް ފާހަގަކޮށްލަމެވެ.
މިސެޝަން އަކީ ކުރިއަށް އޮތް ލޯކަލް ކައުންސިލް އިންތިޚާބުގައި ޒުވާނުން ވޯޓުލުމުގެ މުހިންމު ކަން އަންގައިދިނުމުގެގޮތުން ކުރިއަށް ގެންދެވުނު ސެޝަނެކެވެ. ކޮނމެ މީހާކުވެސް ވޯޓުލުން މުހިންމުވަނީ ކީއްވެގެން ކަމާއި ޑިމޮކްރަސީގައި ރައްޔިތުންގެ ބާރަކީ ވަރަށް ބޮޑު ބާރެއްކަން މި ސެޝަންގެ ބައިވެރިންނަށް ވަނީ ބުނެދެއްވާފާއެވެ. ތިމާ ބޭނުން ކޮންމެ ބަދަލެއް ގެންއުމުގެ ބާރު އޮތީ ހަމައެކަނި ތިމާ އަތުގައި ކަމަށާއި ކޮންމެ ވޯޓަކީވެސް ނަތީޖާ ބަދަލުކޮއްލުމަށް އެހީވާނެ އެއްޗެއް ކަމުގައި މަޢުލޫމާތު ދެވުނެވެ.
މި ސެޝަނަކީ ވޯޓާއި ބެހޭ އަގުހުރި މަޢުލޫމާތު ތަކެއް ލިބުނު ސެޝަނެކެވެ.
ލިޔުނީ: މުޙައްމަދު ޝަރުވާން
މީޑިއާ ކޯޑިނޭޓަރ
ސްޓޫޑެންޓްސް އިނިޝިއޭޓިވް އޮފް އާރޓްސް
