ފެކަލްޓީ އޮފް އާރޓްސް ގެ ލީޑަރުންގެ އަގުވަޒަން ކުރުމުގެ ގޮތުން ސިއާ އިން ’އާތޮނައިތޮ“ ނަމުގައި އިވެންޓް އެއް ބާއްވައިފިއެވެ.
ރޭގެ ވަގުތެއްގައި ސެންޓަރ ފޯރ ފައުންޑޭޝަން ސްޓަޑީސް ގެ A3-15 ކްލާސްރޫމްގައި ބޭއްވި މި ޑިނަރ ނައިޓްގައި ބައިވެރިވެފައި ވަނީ މިއަހަރު އެމް.އެން.ޔޫ.އެސް.ޔޫ އިން ބޭއްވި އިތުރު ހަރަކާތްތަކުގައި ފެކަލްޓީ އޮފް އާރޓްސް ރަމްޒް ކޮށްދެން ބައިވެރިވި ހުނަރުވެރި ލީޑަރުންނެވެ. މީގެ އިތުރުން ޔޫނިއަންގެ ރައީސް އަދި ނައިބުރައީސް(ގޮފިތައް) ވެސް މި ހަރަކާތުގައި ބައިވެރިވެފައިވެއެވެ.
އެގޮތުން މި ޑިނަރގައި، އެފް.އޭގެ އަންހެން އަދި ފިރިހެން ވޮލީ ޓީމުގެ ބައިވެރިންނާއި، އެފް.އޭގެ އަންހެން އަދި ފިރިހެން ފުޓްސަލް ޓީމުގެ ބައިވެރިންނާއި، އެފް.އޭ ނެޓްބޯލް ޓީމުގެ ބައިވެރިން އަދި އެމް.އެން.ޔޫ.އެސް.ޔޫ ޕްރެޒެންޓްސް ދަ ނެކްސްޓް ލެވެލް ޓެލެންޓް ޝޯގައި ބައިވެރިވި އެފް.އޭ ގެ ދަރިވަރުންނެވެ. ފާހަގަ ކޮއްލަން ޖެހޭ ކަމަކީ މިއަހަރު ބޭއްވި ހުރިހާ އިތުރު ހަރަކާތެއްގައިވެސް ފެކަލްޓީ އޮފް އާރޓްސް ބައިވެރިވެފައިވާ ކަމެވެ. ކާމިޔަބާކާ ހިސާބަށް ވާސިލް ނުވެވުނުކަމުގައިވިޔަސް މި ހުރިހާ މުބާރާތެއްގައި ބައިވެރިވުމަކީވެސް އެފް.އޭ އަށް ލިބުނު ކުރިއެރުމެކެވެ. ސަބަބަކީ މީގެ ކުރިން މިކަހަލަ ހުރިހާ ހަރަކާތެއްގައި އެފް.އޭ ބައިވެރިވެފައި ނެތުމެވެ.
ކުރީ އަހަރުތަކާ ހިލާފަށް މިއަހަރަކީ އެފް.އޭ ގެ ދަރިވަރުންގެ ފަރާތުން މިފަދަ ކަންކަމަށް ތަރުހީބު ލިބެމުންދާ އަހަރެކެވެ. މި ކަންކަމުގައި އެންމެ ބޮޑަށް އަދި އެންމެ ގިނަ ކުދިން ހަރަކާތްތެރިވެފައިވަނީ އެޑްވާންސް ސެޓްފިކެޓް އިން ވިޝުއަލް އާރޓްސް އަދި ބެޗްލަރ އޮފް އާރޓްސް އިން އިންގްލިޝް ލޭންގްވިޖް އެން ކޮމިއުނިކޭޝަންގެ 3 ބެޗް ގެ ދަރިވަރުންކަން ފާހަގަކޮއްލެވެ. މީގެ އިތުރުން އިތުރު ކޯސްތަކުގެ ކުދިންވެސް އެކި އެކި ހަރަކާތް ތަކުގައި ބައިވެރިވެފައިވެއެވެ. އުއްމީދަކީ އަންނަ އަހަރު މި ދެ ކޯހުގެ ކުދިންގެ އިތުރުން ޖާނަލިޒްމް އަދި ޕޮލިޓިކަލް ސައިންސްގެ ވެސް ގިނަ ކުދިންތަކެއް ފެކަލްޓީ އަށް ރަން ވަނަ ޙާސިލް ކޮށްދެން ނިކުތުމެވެ.
މި ނައިޓްގައި ’ސިއާ އޮކްޓޮބް-އާރޓް‘ ގައި ހުޅުވާލި ފޮޓޯ ޗެލެންޖް ފިޔަވާއި ދެން އިން ދެ މުބާރާތުގެ ވަނަތަކާއި ބައިވެރިންނަށް ސެޓްފިކެޓް ހަވާލުކުރުން ކުރިއަށް ގެންގޮސްފައިވެއެވެ. އަދި ޚިދުމަތުގެ އަރުތަ އެވޯޑްވެސް މި ޚަފްލާގައި ދެވުނެވެ.
ލިޔުނީ: އަޙްމަދު ޝައްފާޒު
ރައީސް
ސްޓޫޑެންޓްސް އިނިޝިއޭޓިވް އޮފް އާރޓްސް
