ސްޓޫޑެންޓްސް އިނީޝިއޭޓިވް އޮފް އާރޓްސް (ސިއާ)ގެ ފަސް ވަނަ ދައުރުގެ ހިންގާ ކޮމީޓީއަށް ހޮވުނު މެމްބަރުންނަށް މަގާމު ހަވާލުކޮށްފިއެވެ.
މަގާމުތަކަށް އިންތިޙާބުވި ދަރިވަރުންނަށް މަގާމުގެ ލިޔުން ހަވާލުކޮށްދެއްވީ މިދިޔަ ހޮނިހިރު ދުވަހުގެ ރޭ އެކަމަށްޓަކައި މޯލްޑިވްސް ނޭޝަނަލް ޔުނިވާސީޓީ (އެމްއެންޔޫ) އޮޑިޓޯރިއަމްގައި ބޭއްވި ޙާއްސަ ރަސްމިއްޔާތުގައެވެ.
ސިއާގެ ހިންގާ ކޮމިޓއަށް އިންތިހާބުވި ދަރިވަރުން:
މުޙައްމަދު ޝާބިން އިލްހާމް ރަޝީދު – ރައީސް
މުޙައްމަދު އުލްވާން މުއާޒް – ނައިބު ރައީސް (ޢަމަލީ)
އަމަތުﷲ ޢަބްދުﷲ – ނައިބު ރައީސް (ޢިލްމީ)
އައިމިނަތު ސައިނާ މުޙައްމަދު ރަޝީދު – ޚަޒާންދާރު
އައިމިނަތު އަފްޝީން އިބްރާހީމް – ސެކްރެޓަރީ
ފާޠިމަތު މުޙައްމަދު އަޙްމަދު – މީޑިއާ ކޯރޑިނޭޓަރ
ސިއާ އަކީ އެމްއެންޔޫ ދަރިވަރުން ޔޫނިއަންގެ ފެކަލްޓީ އޮފް އާރޓްސްގެ ދަރިވަރުންނަށް ޙާއްސަކޮށްގެން 2016 ވަނަ އަހަރު އެފެދުނު ގޮތްޕެކެވެ. ސިއާގެ މައިގަނޑު މަޤްސަދަކީ ފެކަލްޓީގެ ދަރިވަރުންގެ މެދުގައި އެކުވެރިކަން އާލާކޮށް އިސްވާރުން ބިނާކުރުމުގައި ދަރިވަރުންގެ ޔޫނިއަން އާއެކުގައި މަސައްކަތްކޮށް ދަރިވަރުންގެ ހަރަކާތްތެރިކަން އިތުރު ކުރުމަށް ހަރަކާތްތައްރާވައި އިންތިޒާމް ކުރުމެވެ.
ލިޔުނީ: ފާތިމަތު މުޙައްމަދު އަޙުމަދު
މީޑިއާ ކޯޑިނޭޓަރ
