ެއެމްއެންޔޫއެސްޔޫ އިންޓަރ ފެކަލްޓީ ވޮލީ މުބާރާތުގައި ސިއާގެ ތިން ކުޅުންތެރިން 2 ފެކަލްޓީއަކަށް ކުޅެއެވެ. އެގޮތުން ފިރިހެން ޑިވިޝަންގައި ޖައިލަމް ރިޔާޒް ބީއެސް ޓީމަށް ކުޅޭއިރު އަންހެން ޑިވިޝަންގައި އަމަތުﷲ އަބްދުﷲ އަދި ފާތިމަތް އަނޫޝާ އެފްއެލްއައިއެސްގެ ޓީމަށް ކުޅޭނެއެވެ.
ޖައިލަމަކީ ބެޗްލާރސް އޮފް އާރޓްސް އިން ޕޮލިޓިކަލް ސައިންސް އެންޑް އިންޓަރނޭޝަނަލް ރިލޭޝަންސް ގެ ފުރަތަމަ އަހަރު ކިޔަވަމުން ގެންދާ ދަރިވަރެކެވެ. އަމަތުﷲ އަކީ ބެޗްލަރސް އޮފް އާރޓްސް އިން އިންގްލިޝް ލޭންގުއޭޖް އެންޑް ކޮމިޔުނިކޭޝަންސް ކިޔަވާ ދަރިވަރެކެވެ. އަދި އަނޫޝާއަކީ އެޑްވާންސް ސެޓްފިކެޓް އިން ލައިބްރަރީ އެންޑް އިންފޮމޭޝަން ސަރވިސެސް ކިޔަވަމުން ގެންދާ ދަރިވަރެކެވެ.
ޖައިލަމް އާއި ވާހަކަ ދައްކާލުމުން ޖައިލަމް ވިދާޅުވީ، އުއްމީދަކީ މުބާރާތް ކާމިޔާބުކޮށް އަދި އެމްއެންޔޫ ޓީމް އިން ޖާގަހޯދުންކަމަށެވެ. އަދި އަމަތުﷲ އަދި އަނޫޝާގެވެސް އުއްމީދަކީ އެފްއެލްއައިއެސް ޓީމާއިއެކު ދެވެން އޮތް އެންމެ ކުރިއަކަށް ދިއުމެވެ.
މިއަހަރުގެ ވޮލީ މުބާރާތަށް ސިއާއިން ޓީމެއް ނެރުމަށް މަސައްކަތްކޮށް ޓީމެއް ހަމަވާވަރަށް ކުދިން ނުލިބުނު ނަމަވެސް ވޮލީ ކުޅެން ޝައުގުވެރިކަން ފާޅުކުރި ދަރިވަރުންނަށް ވަނީ އެފުރުސަތު ދީފައެވެ. އަދި ގިނަ ފެކަލްޓީތަކާއި ޝައުގުވެރިކަން ފާޅު ކުރި ދަރިވަރުންނާއިވެސް ވާހަކަ ދެއްކުމަށް ފަހު ސިއާއިން ފިރިހެން ދަރިވަރުން ބީއެސްއެސްއޭ ޓީމަށް އަދި އަންހެން ދަރިވަރުން އެފްއެލްއައިއްސް ޓީމަށް ފޮނުވުމަށްވަނީ ނިންމާފައެވެ.
ސިއާއިން އެދެނީ މި ދެޓީމްވެސް ވޮލީބޯޅަ މުބާރާތުގައި ރަނގަޅު ކާމިޔާބެއް ހޯދުމެވެ.
ލިޔުނީ: ފާތިމަތު މުހައްމަދު
މީޑިއާ ކޯރޑިނޭޓަރ
