ނަޞްރުގެ އައްޑަނަ އާރޓް އެގްޒިބިޝަން އިޢުލާން ކޮށްފި

ސިއާގެ ފަރާތުން ނަޞްރުގެ ދުވަހާ ގުޅުވައިގެން ކުރިއަށްގެންދާ “ ނަސްރުގެ އައްޑަނަ އާރޓް އެގްޒިބިޝަން“ މިއަހަރުވެސް އިޢުލާންކޮށްފިއެވެ. މިއަހަރުގެ މައުރަޒު އިޢުލާން ކޮށްފައިވަނީ ސިއާގެ ފޭސްބުކް ޕޭޖް މެދުވެރިކޮށެވެ. މިއީ ކޮންމެ އަހަރަކުވެސް ނަޞްރުގެ ދުވަހާއި ގުޅުވައިގެން މިގޮފިން ކުރިޔަށް ގެންދާ މައުރަޒެކެވެ.  

ނަމަވެސް އެހެން އަހަރުތަކާއި ޚިލާފަށް، ކޮވިޑް19ގެ މި ދަނޑިވަޅާއި ގުޅިގެން، މިއަހަރު މިމައުރަޒު ކުރިޔަށް ގެންދިއުމަށް ހަމަޖެހިފައިވަނީ ޑިޖިޓަލް ވަޞީލަތްތައް މެދުވެރިކޮށެވެ. އެހެންކަމުން، މައުރަޒުގައި ބައިވެރިވެވޭނީ ސިއާގެ އޮފިޝަލް މެއިލަށް މަސައްކަތްތައް މެއިލް ކުރެއްވުމުންނެވެ. ޤައުމީ ޔުނިވާރސިޓީގެ ދަރިވަރުންގެ އިތުރަށް، ޢާންމުންނަށްވެސް މި މައުރަޒުގައި ބައިވެރިވެވޭނެއެވެ. މަސައްކަތްތައް ހުށަހެޅުމުގެ ތާރީޚަކީ 15 އޮކްޓޯބަރުން ފެށިގެން ނޮވެމްބަރު މަހުގެ ފުރަތަމަ ދުވަހުގެ ނިޔަލަށެވެ.

3 ނޮވެމްބަރު ވާ ނަޞްރުގެ ދުވަހު، މިމައުރަޒުގެ މަސައްކަތްތައް ޢާންމުކޮށް، ސިއާގެ ސޯޝަލް މީޑިއާ ޕްލެޓްފޯރމްތަކުގައި ޕަބްލިޝް ކުރެވިގެން ދާނެއެވެ.  

އުއްމީދަކީ މިއަހަރުގެ މި މައުރަޒުން ފަންނުވެރި ތަފާތު ގިނަ ހުނަރުތަކެއް ފެނިގެންދިއުމެވެ. އަދި ވަރަށް ބޮޑު ތަރުޚީބެއް ލިބިގެން ދިއުމެވެ.

ލިޔުނީ: ފާޠިމަތު މުޙައްމަދު އަޙްމަދު

މީޑިއާ ކޯރޑިނޭޓަރ، ސިއާ