ސްޑޫޑެންޓް އިނީޝިއޭޓިވް އޮފް އަރޓްސް (ސިއާ) އާއި ފެކަލްޓީ އޮފް އެޑިއުކޭޝަން ސްޓޫޑެންޓްސް އެސޯސިއޭޝަން (ފެސާ) ގުޅިގެން ”ސުވާސްތި“ގެ ނަމުގައި ތަފާތު ހަރަކާތެއް ބާއްވައިފިއެވެ.
ސިއާ އާއި ފެސާ ގުޅިގެން ކުރިއަށްގެންދިޔަ މި ހަރަކާތަކީ އަލަށް ފެކަަލްޓީ އޮފް އަރޓްސް އާއި ފެކަލްޓީ އޮފް އެޑިއުކޭޝަނާ ގުޅުނު ދަރިވަރުންނަށް މަރުހަބާ ކިޔަން ބޭއްވި ހަރަކާތެކެވެ.
މި ހަރަކާތުގައި އެންމެ ތަފާތުކަމެއްގެ ގޮތުގައި ފާހަގަ ކުރެވުނީ މި ހަރަކާތުގެ ނަމެވެ. ދިވެހި ބޯދާ ނަމެއް މި ހަރަކާތަށް ކިޔައިފައިވާއިރު، އެ ނަމަށް ގިނަ ދަރިވަރުންތަކެއްގެ ސަމާލުކަން ވަނީ ހުއްޓިފައެވެ.
މި ހަރަކާތް ބާއްވައިފައިވަނީ 2022 ފެބްރުވަރީ 20ވީ އާދީއްތަ ދުވަހުގެ ރޭ ޕީއީ ހޯލުގައެވެ.
މި ހަރަކާތުގައި ގިނަ އަދަދެއްގެ ދަރިވަރުން ބައިވެެރިވީއިރު، އެ ދަރިވަރުން ވަނީ މަޖާ މާހައުލެއްގައި ވަގުތުތައް ހޭދަކޮށްފައެވެ.
މި ހަރަކާތުގެ ތެރެއިން ގިނަ ކުޅިވަރުތަކެއް ވެސް ކުޅެފައިވާއިރު، އެއް ދަރިވަރަކު އަނެއް ދަރިވަރަކަށް އެނގި ދަސްވުމަށް މި ހަރަކާތްވީ ރަނުގެ ފުރުސަތަކަށެވެ.
މި ހަރަކާތުގައި އެމްްއެންޔޫއެސްޔޫގެ ރައީސް ހުސެއިން ޒައިދުއާއި އެހެން ވެސް ހިންގާ ކޮމިޓީގެ މެންބަރުން ބައިވެރިވެވަޑައިގެންނެވިއެވެ. އަދި މި އިވެންޓު ފުރިހަމަކަމާއެކު ނިންމާލުމުން، ޒައިދު ވަނީ ސިއާއާއި ފެސާގެ ހިންގާ ކޮމިޓީއަށް ތައުރީފް ކުރައްވައިފައެވެ.
މި ހަރަކާތާ ގުޅިގެން ސިއާގެ ރައީސް ޢާލިމް އަބްދުއްލަތީފް ވިދާޅުވީ ދުވަސްތަކަކަށްފަހު ސިއާއިން މިފަދަ ހަރަކާތެއް ބޭއްވުމުން ނުހަނު އުފާކުރާ ކަމަށެވެ. އަދި ސިއާގެ ހަރަކާތްތައް އިތުރަށް ފުރިހަމަކުރަން އަލަށް ފެކަލްޓީ އޮފް އާޓްސްއާ ގުޅުނު ދަރިވަރުންގެ އެހީތެރިކަން ބޭނުންވާނެ ކަމަށް އޭނާ ފާހަގަކުރެއްވިއެވެ.
