ދިވެހިރާއްޖޭގެ ގައުމީ ޔުނިވާރސިޓީގެ ދަރިވަރުންގެ ޔޫނިއަން (އެމް.އެން.ޔޫ.އެސް.ޔޫ)ގެ ފެކަލްޓީ އޮފް އާރޓްސްގެ ގޮފި ސްޓޫޑެންޓްސް އިނީޝިއޭޓިވް އޮފް އާރޓްސް (ސިއާ)ގެ ހިންގާ ކޮމެޓީ އިން ސިއާގެ އައު އިސްވާރުންނާއި މިރޭ ބައްދަލުކޮށްފިއެވެ.
މި ބައްދަލުވުމުގައި ސިއާ އިން މިއަހަރު ކުރިޔަށް ހިންގަން ނިންމާފައިވާ ކަންކަން އިސްވާރުންނާއި ހިއްސާކޮށް އިސްވާރުންގެ ހިޔާލާއި މަޝްވަރާވަނީ ހޯދަފައެވެ.
ފެކަލްޓީ އޮފް އާރޓްސްގެ މީޓިން ރޫމްގައި ބޭއްވުނު މި ބައްދަލުވުމުގައި ގޮފީގެ ހަރަކާތްތަކުގައި އިސްވާރުންގެ ދައުރު އިިތުރުވާނެ ގޮތްތަކާއި، މުޅި ފެކަލްޓީގެ ހުރިހާ ދަރިވަރުންނަށް ފައިދާ ވާނެހެން ހަރަކާތްތައް ކުރިޔަށް ގެންދެވެން ހުރިމަގުތައް ވަނީ ހޯދާ ބަލާފައެވެ. އަދި ސިއާގެ ހިންގާ ކޮމެޓީގެ ފަރާތުން އިސްވާރުން އެދޭކަންކަން ވެސް ވަނީ އޮޅުންފިލުވާފައެވެ.
މި އަހަރު ސިއާގެ ހަރަކާތްތަކަށް ބޮޑު ތަރުހީބެއް ލިބެމުންދެއެވެ. އެގޮތުން ސިއާގެ ލީޑަރުންގެ އަދަދު މިއަހަރު އެހެން އަހަރުތަކާއި އަޅާ ބަލާއިރު ވަރަށް ބޮޑަށް އިތުރުވެފައިވުމަކީ ސިއާގެ ހަރަކާތްތައް ކާމިޔާބު ކަމާއި އެކު ކުރިޔަށްދާ ކަމުގެ ފެހި ސިގުނަލެއް ކަމަށް ސިއާ އިން ފާހަގަކުރެއެވެ.
