އެމް.އެން.ޔޫ.އެސް.ޔޫގެ ފެކަލްޓީ އޮފް ލޯ އެންޑް އިސްލާމިކް ސްޓަޑީސް ގެ ގޮފި ކަމުގައިވާ ސޮސައިޓީ އޮފް ޝަރީޢާ އެންޑް ލޯ ގެ ހިންގާ ކޮމެޓީގެ މެމްބަރުން އެ ފެކަލްޓީގެ ޑީން އާއި ބައްދަލުކުރައްވައިފިއެވެ. 05 އެޕްރީލް 2018 ވީ ބުރާސްފަތި ދުވަހު 13:30 ގައި ބޭއްވުނު މި ބައްދަލުވުމުގައި ފެކަލްޓީގެ ހެޑް އޮފް ލޯ ޑިޕާޓްމަންޓް ވެސް ވަނީ ބައިވެރިވެފައެވެ. މި ބައްދަލުވުމުގައި އެސް.އެސް.އެލްގެ ފަރާތުން ރާވާފައިވާ ބައެއް ޙަރަކާތްތަކާ ބެހޭގޮތުން މަޝްވަރާކުރެވިގެން ދިޔައެވެ. މީގެ އިތުރުން ފެކަލްޓީގެ ފަރާތުން ރާވާ ކަންކަމުގައި ދަރިވަރުންގެ ބައިވެރިވުން އިތުރުކޮށް، އެކި އެކި ހަރަކާތްތަކުގައި ދަރިވަރުން އިސްވެ ހަރަކާތްތެރިވުމާއި ގުޅޭގޮތުން ވަނީ ވާހަކަދެކެވިފައެވެ. ހަމައެއާއިއެކު ޙަރަކާތްތަކުގައި ފެކަލްޓީގެ ފަރާތުން އަދި އެސް.އެސް.އެލްގެ ފަރާތުން ދޭންޖެހޭ ހުރިހާ އެއްބާރުލުމެއް ދެވޭނެކަން ފާހަގަކުރެވުނެވެ.
