އެސް.އެސް.އެލް އިން އެސް.އެސް.އެލްގެ ވޮލީ ޓީމްކޯޗް އާއި ބައްދަލުކުރައްވައިފިއެވެ. މި ބައްދަލުވުމަކީ މިއަހަރުގެ އެމް.އެން.ޔޫ.އެސް.ޔޫ އިންޓަރ ފެކަލްޓީ ވޮލީ މުބާރާތުގައި އެސް.އެސް.އެލްގެ ފިރިހެން ޓީމް ހޯދި ކާމިޔާބީއާއި އަންހެން ޓީމަށް ގެނެސްދީފައިވާ ކުރިއެރުމާއި ބަދަލުތަކަށް ޝުކުރު އަދާ ކުރުމުގެ ގޮތުން ބޭއްވި ބައްދަލުވުމެކެވެ. މި ބައްދަލުވުމުގައި ކޯޗް އަހްމަދު އަކުރަމް (އައްކޮ ކޯޗް) ވިދާޅުވި ގޮތުގައި ކޯޗް ހުންނާނީ އަބަދުވެސް ޓީމާއި އެކުގައި ކަމަށާއި ކުރިއަށް އޮތް ތާނގައިވެސް ޓީމަށް ސަޕޯޓްކޮއްދީ އެއްބާރުލުން ދެއްވާނެކަމަށް ވިދާޅުވިއެވެ. މީގެ އިތުރިން ޓީމް ކުރިއަށް އޮތް އަހަރުގެ މުބާރާތަށާއި އެހެނިހެން މުބާރާތްތަކަށް ތައްޔާރުކުރުވުމުގެ ގޮތުން މިހާރުން ފެށިގެންވެސް ޕްރެކްޓިސް ފައްޓަވައިދިނުމަށާއި މިކަމަށް ޙަރަދެއް ހިނގާނެނަމަ އެކަންކަން ހަމަޖައްސަވައިދެވޭނެކަން އެސް.އެސް.އެލްގެ ޓްރެޝަރަރ އަޙްމަދު ސަމީޙް ފާހަގަ ކުރެއްވިއެވެ.
ވޮލީ ކުޅުމަށް ޝައުގުވެރިކަން ހުރި އެސް.އެސް.އެލްގެ ހުރިހާ ދަރިވަރުންނަށް ޕްރެކްޓިސްތަކުގައި ބައިވެރިވުމުގެ ފުރުސަތު ހުލުވާލާ ވިއެންމެ އަވަހަކަށް ވޮލީ ކޯޗިންގ ކޭމްޕެއް ބާއްވަދޭނެކަމަށް ކޯޗް ވިދާޅުވިއެވެ. އަދި މިކަމުގައި އެސް.އެސް.އެލްއިން ފުރިހަމަ އެއްބާރުލުން ދެއްވާނެކަމަށް ޓްރެޗަރަރ ސަމީޙް ވިދާޅުވިއެވެ. 15/04/2018 ވީ އާދިއްތަ ދުވަހު ހަވީރު 04:30 ގައި އެސް.އެސް.އެލް އޮފީހުގެ މީޓިން ރޫމްގައި ބޭއްވުނު މި ބައްދަލުވުން ނިމިގެންދިޔައީ ކޯޗްއަށް ހާއްސަކޮއް ދެއްވި ބިލެއްމީރުކޮއްލެއްވުމަކާއިއެކުގައެވެ.
