ފެކަލްޓީ އޮފް ޝަރީޢާ އެންޑް ލޯ އަށް މިއަހަރުގެ އޯގަސްޓް އިންޓޭކްގައި އަލަށް ވަތް ދަރިވަރުންނަށް އޮރިއެންޓޭޝަން ބާއްވައިފި އެވެ. އެގޮތުން މި އޮރިއެންޓޭޝަންގައި ސޮސައިޓީ އޮފް ޝަރީއާ އެންޑް ލޯއިންވެސް ވަނީ ބައިވެރިވެފައިއެވެ.
މި އޮރިއެންޓޭޝަންގައި އެފް.އެސް.އެލް ގައި ހިންގާ ކޯސްތަކާއި ބެހޭގޮތުން ދަރިވަރުންނަށް ވަނީ މައުލޫމާތު ދީފައެވެ. އެގޮތުން އެފް.އެސް.އެލް ގެ ޑީން ޑރ. އަބްދުއްސައްތާރު ވަނީ ދަރިވަރުންނާ ބައްދަލުކޮށް ކިޔެވުމުގައި ކުރިއަރާދިއުމަށް ހިތްވަރުދީ މުޚާތަބުކޮށްފައެވެ.
އަދި މީގެ އިތުރުން، އެސް.އެސް.އެލް ގެ ހިންގާ ކޮމިޓީގެ ފަރާތުން ސާއިފް އަލީ (ނައިބު ރައީސް – ޢިލްމީ) ވަނީ އެސް.އެސް.އެލްއާއި އެމް.އެން.ޔޫ.އެސް.ޔޫއާއި ގުޅޭ ގޮތުން ވާހަކަ ދައްކާފައެވެ. އެގޮތުން މި ފެށޭ އައު ސެމެސްޓާގައި އެސް.އެސް.އެލްއިން ކުރިއަށް ގެންދަން ރާވާފައިވާ ބައެއް ހަރަކާތްތަކާއި ބެހޭގޮތުން ވެސް ދަރިވަރުންނަށް ވަނީ މައުލޫމާތު ދީފައެވެ.
އެފް.އެސް.އެލްގެ އޮރިއެންޓޭޝަން ބާއްވާފައިވަނީ އޮގަސްޓުމަހުގެ ދިހަވަނަ ދުވަހު އެމް.އެން.ޔޫގެ އެފް.އީ އޮޑިޓޯރިއަމްގައިއެވެ. މި އޮރިއެންޓޭޝަންގައި އެފް.އެސް.އެލްގެ ދަރިވަރުންގެ އިތުރުން، ޑީން، އެޗް.އޯ.ޑީން އަދި މުދައްރިސުންވެސް ބައިވެރިވިއެވެ.
