ދިވެހިރާއްޖޭގެ ޤައުމީ ޔުނިވަރސިޓީގެ ދަރިވަރުންގެ ޔޫނިއަން (އެމް.އެން.ޔޫ.އެސް.ޔޫ) އާއި އެމް.އެން.ޔޫ.އެސް.ޔޫގެ ގޮފި ސޮސައިޓީ އޮފް ޝަރިޢާ އެންޑް ލޯ(އެސް.އެސް.އެލް) ގުޅިގެން ރަމަޟާން މަހު ކުރިއަށް ގެންދާ އެމް.އެން.ޔޫ.އެސް.ޔޫ – އެސް.އެސް.އެލް ޤުރްއާން ކިޔެވުމުގެ މުބާރާތް 1444 ފަށައިފިއެވެ.
އެމް.އެން.ޔޫ.އެސް.ޔޫ – އެސް.އެސް.އެލް ޤުރްއާން މުބާރާތް ހުކުރު ދުވަހުގެ ރޭ ފެށިގެން ދިޔައިރު، ފުރަތަމަ ދަންފަޅީގައިވެސް ޖުމްލަ 19 ދަރިވަރެއްގެ ކިޔެވުން ފެނިގެން ގޮސްފައިވެއެވެ. އޭގެ ތެރޭގައި ނުބަލައި ކިޔެވުމުގެ ބައިން 4 ދަރިވަރެއްގެ ކިޔެވުމާއި އަދި ބަލައިގެން ކިޔެވުމުގެ ބައިން 15 ދަރިވަރެއްގެ ކިޔެވުން ވަނީ ފެނިގެން ގޮސްފައެވެ.
މި މުބާރާތ ކުރިއަށް ދާނީ މިމަހު 14 އިން 16 ގެ ނިޔަލަށެވެ. މުބާރާތުގެ ދެވަނަ ދަންފަޅި ހޮނިހިރު ދުވަހުގެ މެންދުރުފަހު 14:00 ފެށިގެން އެމް.އެން.ޔޫގެ ސީއޭ އޮޑިޓޯރިއަމްގައި ކުރިއަށް ދާނެއެވެ . މި މުބާރާތަކީ އެމް.އެން.ޔޫ.އެސް.ޔޫއާ ގުޅިގެން އެސް.އެސް.އެލްއިން ކޮންމެ އަހަރަކުވެސް ބާއްވަމުން އަންނަ މުބާރާތެކެވެ.
