ދިވެހިރާއްޖޭގެ ޤައުމީ ޔުނިވަރސިޓީގެ ދަރިވަރުންގެ ޔޫނިއަންގެ ގޮފި، ސޮސައިޓީ އޮފް ޝަރީޢާ އެންޑް ލޯއިން ދިވެހިރާއްޖޭގެ ޤައުމީ ޔުނިވަރސިޓީގެ ފެކަލްޓީ އޮފް ޝަރީޢާ އެންޑް ލޯގެ އިސްވެރިންނާއި ބައްދަލުކޮށްފިއެވެ.
27 މާރިޗު ވީ ބުދަ ދުވަހު ކުރިއަށްދިޔަ މި ބައްދަލުވުމުގައި އެސްއެސްއެލްގެ ހިންގާ ކޮމިޓީގެ ހުރިހާ މެންބަރުން، ފެކަލްޓީގެ ޑީން އަދި ފެކަލްޓީގެ އެކި ޑިޕާޓްމެންޓްތަކުގެ ވެރިން ވަނީ ބައިވެރިވެފައެވެ.
މި ބައްދަލުވުމުގައި އެސްއެސްއެލްގެ ފަރާތުން މި އަހަރުގައި ހިންގުމަށް ރާވާފައިވާ ހަރަކާތްތައް ފެކަލްޓީގެ ބޭފުޅުންނާއި ވަނީ ހިއްސާކޮށްފައެވެ. އަދި ދެ ފަރާތުން ގުޅިގެން ހިންގިދާނެ ހަރަކާތްތަކާއެކު، ދެފަރާތުގެ ގުޅުން ބަދަހިކުރުމަށް މި ބައްދަލަވުމުގައި ވަނީ ފުޅާ ދާއިރާއެއްގައި މަޝްވަރާކޮށްފައެވެ.
ހަމަ މިއާއެކު، ދަރިވަރުންގެ ހުރި އެކިއެކި ކަންބޮޑުވުންތައް ފެކަލްޓީއާ ހިއްސާކޮށް އެކަންކަމަށް ގެނެވިދާނެ ހައްލުތަކާއި ކުދިންނާއި ފެކަލްޓީއަށް އިތުރު ކުރިއެރުންތައް ގެނެވިދާނެ ގޮތްތަކަށް މި ބައްދަލުވުމުގައި ވަނީ އަލިއަޅުވާލާފައެވެ. އަދި ސިލްސިލާކޮށް މި ބައްދަލުވުންތައް ކުރިއަށް ގެންދިއުމަށްވެސް ވަނީ ދެފަރާތުން އެއްބަސްވެފައެވެ.
