އެސް.އެސް.އެލް.ގެ ފުރަތަމަ އެޑްވައިޒަރީ ކޮމިޓީ އެކުލަވާލައިފި!

ފެކަލްޓީ އޮފް ޝަރީޢާ އެންޑް ލޯ (އެފް.އެސް.އެލް)ގެ ގޮފި ސޮސައިޓީ އޮފް ޝަރީޢާ އެންޑް ލޯ (އެސް.އެސް.އެލް)އިން ފުރަތަމަ ފަހަރަށް އެޑްވައިޒަރީ ކޮމިޓީއެއް އެކުލަވާލައިފިއެވެ.

މި ކޮމިޓީ އެކުލަވާލައިފައިވަނީ މިކަމަށްޓަކައި 26 އޮގަސްޓް ވީ ހޯމަ ދުވަހު އެފް.އެސް.އެލްގައި ބޭއްވުނު ބައްދަލުވުމެއްގައެވެ.
އަލަށް އުފެއްދި މި އެޑްވައިޒަރީ ކޮމިޓީއަކީ އެސްއެސްއެލްގެ ހަރަކާތްތައް ފުޅާކޮށް ހަރުދަނާ ކުރުމާއި ފެކަލްޓީގެ ދަސްވެނީންނާއި މިހާރުގެ ދަރިވަރުންގެ ގުޅުން ރަނގަޅުކުރުން ފަދަ މުހިންމު ކަންކަމުގެ މައްޗަށް ބިނާކޮށް އެސްއެލްއެލްގެ ހިންގާ ކޮމިޓީއަށް ލަފާދިނުމަށް އުފައްދާފައިވާ ކޮމިޓީ އެކެވެ.

އެސްއެސްއެލްގެ އެޑްވައިޒަރީ ކޮމިޓީގައި ހިމެނޭނީ ފާއިތުވި ދައުރުތަކުގައި އެސްއެސްއެލްގެ ހިންގާ ކޮމިޓީގެ މެމްބަރުންގެ ގޮތުގައި މަސައްކަތްކުރައްވާފައިވާ ބޭފުޅުންނެވެ. އެގޮތުން އެޑްވައިޒަރީ ކޮމިޓީއަށް މިފަހަރު އައްޔަނު ކުރެވުނު ބޭފުޅުންނަކީ އެސްއެސްއެލްގެ ކުރީގެ 4 ރައީސުން ކަމަށްވާ އަޙްމަދު އިޔާޒު، އަޙްމަދު ސަދޫފް މޫސާ، ޙައްޔާން ރަޝީދު ، ސާއިފް ޢަލީ އަދި އެސްއެސްއެލްގެ ކުރީގެ ނާއިބު ރައީސް މުޙައްމަދު މުނާޒެވެ.
މި ކޮމިޓީގެ ފުރަތަމަ ބައްދަލުވުން ވަނީ 26 އޯގަސްޓް 2024 ގައި ބާއްވާފައެވެ. މި ބައްދަލުވުމުގައި އެސްއެސްްއެލް އިން ކުރިއަށް ރޭވިފަައިވާ ޙަރަކާތްތަކާ ގުޅޭގޮތުން ވަނީ މަޝްވަރާކުރެވިފައެވެ.