ދިވެހިރާއްޖޭގެ ޤައުމީ ޔުނިވަރސިޓީގެ ދަރިވަރުންގެ ޔޫނިއަން އިން ބާއްވާ އިންޓަރ ފެކަލްޓީ ބެޑްމިންޓަން މުބާރާތުގައި ބައިވެރިވާ ފެކަލްޓީ އޮފް ޝަރީޢާ އެންޑް ލޯ (އެފް.އެސް.އެލް)ގެ ޓީމަށް ޖަޒީ ހަވާލުކުރުމުގެ ރަސްމިއްޔާތު ބާއްވައިފިއެވެ.
އެފް.އެސް.އެލްގެ ޓީމަށް ޖާޒީ ބައި ހަވާލުކުރުން ކުރިއަށް ގެންދިޔައީ 21 ސެޕްޓެމްބަރ 2024 ހޮނިހިު ދުވަހުގެ ރޭގަނޑު، ފެކަލްޓީ އޮފް ޝަރީއާ އެންޑް ލޯގައި ބޭއްވުނު މި ރަސްމިއްޔާތުގައި ޓީމުގެ ކުޅުންތެރިންނަށް ޖާޒީ ހަވާލުކޮށްދެއްވީ އެސް.އެސް.އެލް ގެ 6 ވަނަ ދައުރުގެ ރައީސް އަޙްމަދު އިޔާޒް އަދި އެސް.އެސް.އެލް ގެ 5 ވަނަ ދައުރުގެ ރައީސް އަލްއުސްތާޒް ޙައްޔާން ރަޝީދެވެ.
މި ރަސްމިއްޔާތުގައި އެސްއެސްއެލްގެ ކުރީގެ 2 ރައީސުން ޓީމުގެ ބައިވެރިންނަށް ހިތްވަރު ދިނުމުގެ ގޮތުން މުޚާތަބުކުރެއްވިއެވެ. މިގޮތުން އަލްއުސްތާޒް ހައްޔާން ވަނީ ޓީމު ތެރޭގައި އެކަކު އަނެކަކަށް އިތުބާރާއި އިޙްތިރާމް ކުރުމުގެ މުހިންމުކަން ފާހަގަކުރައްވާފައެވެ. އެއަށްފަހު ކޮންމެ މެޗަކުންވެސް މޮޅުވުމަށް ގަދައަޅައި މަސައްކަތްކުރުމަށް ހިތްވަރުދެއވިއެވެ.
އެސް.އެސް.އެލް ގެ އުއްމީދަކީ މި މުބާރާތުގައި ރަނގަޅު ނަތީޖާއަކާއި ހަމަޔަށް ވާޞިލްވުމެވެ. ޓީމުން މުބާރާތައް ކުރިމަތިލައިގެން ތިބީ ގަދަ ހިތްވަރާ ޢަޒުމާއެކުގައެވެ.
