”ނާޖާއިޒު ފައިދާ“ ގެ ނަމުގައި ދިވެހިރާއްޖޭގެ ޤައުމީ ޔުނިވަރސިޓީގެ ދަރިވަރުންގެ ޔޫނިއަންގެ ގޮފި ސޮސައިޓީ އޮފް ޝަރީޢާ އެންޑް ލޯއިން ކާމިޔާބު ޕެނަލް ޑިސްކަޝަންއެއް ބާއްވައިފިއެވެ.
އެސް.އެސް.އެލް އިން ބޭއްވި މި ޕެނަލް ޑިސްކަޝަންގައި ޕެނަލިސްޓުންގެ ގޮތުގައި ބައިވެރިވެވަޑައިގެންނެވީ ފެކަލްޓީ އޮފް ޝަރީޢާ އެންޑް ލޯގެ ޝަރީޢާ ޑިޕަރޓްމެންޓްގެ ހެޑް އައްޝައިޚް ޙުސައިން ޢަބްދުالله ސަޢީދާއި ފެކަލްޓީ އޮފް ޝަރީޢާ އެންޑް ލޯގެ ސީނިއަރ ލެކްޗަރަރ އައްޝައިޚް އަޙްމަދު ސަމީރެވެ. އަދި މި ޕެނަލް ޑިސްކަޝަން މޮޑަރޭޓްކުރައްވާފައިވަނީ އެސް.އެސް.އެލްގެ ރައީސް އިސްމާޢީލް ރަޒީން ޢިމްރާނެވެ.
މުދަލުގެ ގޮތުން ހޯދާ އެކިއެކި ނާޖާއިޒު ފައިދާތަކާއި މާލީ ގޮތުން ހޯދާ ނާޖާއިޒު މަންފާތަކަށް އަލިއަޅުވާލި މި ޕެނަލް ޑިސްކަޝަންނަށް 80 އަށްވުރެ ގިނަ ދަރިވަރުން ވަނީ ބައިވެރިވެފައެވެ.
މީގެއިތުރުން، މި ޕެނަލް ޑިސްކަޝަންގައި މުދަލުގެ ބޭނުމާ، މުދާ ހޯދުމުގައި ޢަމަލުކުރަންވީ ޝަރުޢީ މިންގަނޑުތަކާއި، ނާޖާއިޒު ގޮތުގައި މުދާ ހޯދާ ގޮތްތައް އަދި ހުއްދަ ނޫން ގޮތުގައި މުދާ ހޯދުމުގެ ނުރައްކާތެރިކަމާއި ގުޅުން ހުރި ކަމާއި މުހިންމު ކަންކަން ކީރިތި ޤުރުއާނާއި އަދުގެ ޙާލަތަށް ރިޢާޔަތްކޮށް ކިޔައިދީފައިވެއެވެ.
ބައިވެރިންގެ ސުވާލުތަކަށްވެސް ހުޅުވާލައިގެން ކުރިއަށްގެންދިޔަ މި ޕެނަލް ޑިސްކަޝަން ބާއްވާފައިވަނީ 24 ސެޕްޓެމްބަރު 2024 ގައި އެމް.އެން.ޔޫގެ ސެންޓްރަލް އޮޑިޓޯރިއަމްގައެވެ.
އެފް.އެސް.އެލް އިން ކުރިއަށް އޮތްތަނުގައި މިފަދަ އިތުރު ހަރަކާތްތައް ކުރިއަށް ގެންދިޔުމަށްވަނީ ރާވާފައެވެ.
