ދިވެހިރާއްޖޭގެ ޤައުމީ ޔުނިވަރސިޓީގެ ދަރިވަރުންގެ ޔޫނިއަނުން އައްޑޫ ސިޓީ ކައުންސިލާ، ދިވެހިބަހުގެ އެކެޑަމީ އަދި ދިވެހިރާއްޖޭގެ ޤައުމީ ޔުނިވަރސިޓީގެ ހިތަދޫ ކެމްޕަހާއި ގުޅިގެން އައްޑޫ ސިޓީގެ ސްކޫލްތަކަށް ބާއްވާ “އައްޑޫ ބޮޑުފަނޑިޔާރު ތަކުރުފާނުގެ ހަނދާނީ ވާދައިގެ ތަށްޓަށް ބާއްވާ ވާހަކަދެއްކުމުގެ މުބާރާތް” ގެ ރާވާ ހިންގުން އެމް.އެން.ޔޫ.އެސް.ޔޫގެ 2 ގޮފި ކަމަަށްވާ ސޮސައިޓީ އޮފް ޝަރީޢާ އެންޑް ލޯ އަދި ދޮންދީނިއާއި ހަވާލުކޮށްފިއެވެ.
މި މުބާރާތް ބޭއްވުމަށް ހަމަޖެހިފައިވަނީ މި އަހަރުގެ ނޮވެންބަރު މަހުގެ 7-11 އަށް އައްޑޫ ސިޓީގައެވެ. މި މުބާރާތުގައި އައްޑޫގެ ގިނަ ސްކޫލްތަކަކުން މިހާރުވެސް ވަނީ ބައިވެރިވެފައެވެ.
މި މުބާރާތާ ގުޅޭ ބައެއް މަސައްކަތްތައް ކުރުމަށް އެސް.އެސް.އެލް ގެ ޓީމެއް ވަނީ އޮކްޓޫބަރު 5-8 އަށް އައްޑޫ އަށް ދަތުރެއް ކޮށްފައެވެ. މި ދަތުރުގައި ދޮންދީނި ގޮތްޕާއެކު ވަނީ އައްޑޫ ސިޓީ ކައުންސިލް، ހިތަދޫ ކެމްޕަސް އަދި އައްޑޫގެ ސްކޫލްތަކާއެކު ބައްދަލުވުންތައް ބާއްވާފައއެވެ.
ހަމަ މިއާއެކު، އައްޑޫގެ ސްކޫލްތަކަށް ހުޅުވާލައިގެން އެސް.އެސް.އެލް އަދި ދޮންދީނިން ވަނީ ވާހަކަދެއްކުމުގެ ހުނަރުތައް ދަސްކޮށްދޭ ސެޝަނެއްވެސް ކުރިއަށް ގެންގޮސްފައެވެ. މި ސެޝަން ބާއްވާފައިވަނީ 6 އޮކްޓޫބަރުގައި އައްޑޫގައި ހުންނަ ޕޮލިސް އެކެޑެމީގެ އޮޑިޓޯރިއަމްގައެވެ.
