ދިވެހިރާއްޖޭގެ ޖުމްހޫރީ ދުވަސް ފާހަގަކުރުމަށް އައްޑޫ ސިޓީ ކައުންސިލާއި ޤައުމީ ޔުނިވަރސިޓީގެ ހިތަދޫ ކެމްޕަހާއި ސޮސައިޓީ އޮފް ޝަރީޢާ އެންޑް ލޯ އަދި ދޮންދީނިން ޚާއްސަ ރަސްމިއްޔާތެއް ބާއްވައިފިއެވެ.
މި ރަސްމިއްޔާތު ބާއްވާފައިވަނީ 11 ނޮވެންބަރު ގައި އައްޑޫ ހައި ސްކޫލްގައެވެ. އަދި އައްޑޫ ބޮޑު ފަނޑިޔާރު ތަކުރުފާނުގެ ހަނދާނީ ވާދައިގެ ތަށްޓަށް ބޭއްވި ވާހަކަދެެއްކުމުގެ މުބާރާތުގެ ނަތީޖާވެސް މި ރަސްމިއްޔާތުގައި ވަނީ ފާޅުކޮށްފައެވެ.
މި ރަސްމިއްޔާތު އައްޑޫ ސިޓީގެ ކައުންސިލަރ ޑރ. އާމިނަތު ޢަދާލާ ޝަރަފްވެރި ކޮށްދެއްވިއިރު އައްޑޫ ސިޓީގެ އެކިއެކި މުއައްސަސާތަކުގެ ވެރިންނާއި ސްކޫލްތަކުގެ ވެރިން އަދި ދަރިވަރުން ބައިވެރިވެފައިވެއެވެ.
ހަމަ އެހެންމެ، ޖުމްހޫރީ ދުވަހާ ގުޅޭ މުހިންމު މައުލޫމާތުތައް ލިއްބައިދޭ މުހިންމު ތަޤުރީރުތަކާއި ހުށަހެޅުންތައް މި ރަސްމިއްޔާތުގައި ކުރިއަށް ގެންގޮސްފައިވެއެވެ
