1447 ވަނަ އަހަރުގެ ރަމަޟާން މަހަށް މަރުހަބާ ކިޔުމުގެ ގޮތުން ސޮސައިޓީ އޮފް ޝަރީޢާ އެންޑް ލޯ (އެސް.އެސް.އެލް) އިން ފެކަލްޓީ އޮފް ޝަރީޢާ އެންޑް ލޯއަށް ހުޅުވައިލައިގެން މާހެފުމެއް ބާއްވައިފިއެވެ.
މި މާހެފުން ބާއްވައިފައިވަނީ 16 ފެބުރުވަރީ ވީ ހޯމަ ދުވަހު ފެކަލްޓީ އޮފް ޝަރީޢާ އެންޑް ލޯގެ ކޮމަން އޭރިއާގައެވެ.
މި ހަރަކާތަކީ ފެކަލްޓީ އޮފް ޝަރީޢާ އެންޑް ލޯގެ ދަރިވަރުންގެ މެދުގައި އޮންނަ ގުޅުން ބަދަހިކުރުމުގެ މަޤުޞަދުގައި ދަރިވަރުންނަށް ހުޅުވައިލައިގެން ކުރިއަށް ގެންދެވުނު މާހެފުމެކެވެ. ފެކަލްޓީގެ ހުރިހާ ކޯސްތަކެއްގެ ދަރިވަރުންގެ ޝާމިލުވުން އޮތް މި ޙަރަކާތުގައި ފެކަލްޓީގެ އިސްވެރިންނާއި ދާރިސުން އަދި ފެކަލްޓީގެ މުވައްޒަފުންވެސް ވަނީ ބައިވެރިވެފައިވެއެވެ. މީގެ އިތުރުން މި މާހެފުމަށް ދައުވަތު އެރުވިގެން، ދަރިވަރުންގެ ޔޫނިއަންގެ އިސްފަރާތްތަކުންވެސް މި މާހެފުމުގައި ބައިވެރިވެފައިވެއެވެ.
އެސް.އެސް.އެލް އިން ކުރިއަށް ގެންދާ މި ޙަރަކާތަކީ ފެކަލްޓީގެ ގިނަދަރިވަރުންތަކެއްގެ ބައިވެރިވުން ކޮންމެ އަހަރެއްގައިވެސް ފެނިގެންދާ ޙަރަކާތެއްކަމުން، މި ޙަރަކާތް މި އަހަރުވެސް ވެގެން ދިޔައީ ގިނަ އަދަދެއްގެ ދަރިވަރުންތަކެއް ބައިވެރިވި ވަރަށް ފޯރިގަދަ ޙަރަކާތަކަށެވެ.
މި މާހެފުމުގެ އިތުރުން، މިއަހަރުގެ ރަމަޟާން މަހާ ގުޅުވައިގެން އެސް.އެސް.އެލް އިން އިތުރު ހަރަކާތްތަކެއްވެސް ހިންގުމަށްވަނީ ނިންމާފައެވެ.
