ތަރަހަ އިން މި އަހަރު ބޭއްވުމައް ހަމަޖެހިފައިވާ އެންމެ ބޮޑު އިވެންޓް ތަރަހަ އެނުއަލް ޓްރިޕް ކާމިޔާބު ކަމާއެކު ނިންމައިލައިފިއެވެ. މިއީ ތަރަހައިގެ ފަރާތުން މިފަދަ އެނުއަލް ޓްރިޕް އެއް ބޭއްވި ފުރަތަމަ ފަހަރެވެ. މި އަހަރުގެ މި ދަތުރު ދިޔަރަށަކީ ކ.ގުރައިދޫއެވެ. މި ދަތުރުގައި ފައުންޑޭސަން ސްޓަޑީސްގެ ދަރިވަރުން، ލެކްޗަރަރސް އަދި ފެކަލްޓީގެ ޑީން ޑީޑީ ސަރ ބައިވެރިވިކަން ފާހަގަ ކުރަމެވެ.
ދަތުރުގެ މައިގަނޑު މަގްސަދަކީ ގުރައިދޫގައި ހުންނަ ހާއްސަ އެހީއައް ބޭނުންވާ މީހުންގެ މަރުކަޒަށް ޒިޔާރަތް ކުރުމެވެ. ދަތުރު ރޭވުމުގައި އިސްދައުރެއް އަދާކުރި އައިޝަތު ސަޚާ މުހަންމަދު (ނައިބު ރައީސާ އިލްމީ) ވިދާޅުވި ގޮތުގައި ”މިދަތުރުގެ މަގްސަދަކީ ސީ.އެފް.އެސް ގެ ދަރިވަރުންނަށް ހާއްސަ އެހީ އަށް ބޭނުންވާ މީހުންގެ އިހުސާސްތައް ދެނެގަތުމާއި އެމީހުންނާއެކު ވަގުތު ކޮޅެއް ހޭދަކުރުމެވެ.“
އެމް.އެން.ޔޫ.އެސް.ޔޫގެ ރައީސް އަރުޝަދު އަޝްރަފް ވިދާޅުވިގޮތުގައި ”ކޮމިއުނިޓީ ދަތުރެއް ގޮތުގައި ގިނަ ކުދިންނަށް ފުރަސަތު ލިބޭނެ ގޮތަށް ރާވައި ހިންގުން އެއީ ތަރަހަ ވިންގްގެ މެމްބަރުންގެ ފަރާތުން ފާހަގަ ކުރެވުނު ރަނގަޅު ކަމެއްކަމަށާއި، އަދި މިއީ ޔޫނިއަންގެ ތާރީހުގައި ސެންޓަރ ފޯރ ފައުންޑޭސަން ސްޓަރޑީސް ގެ ދަރިވަރުންގެ ފަރާތުން ސީއެފްއެސް ގެ ގޮފި އުފެދުނު ފަހުން ބޭއްވުނު އެންމެ ބޮޑު ހަރަކާތް ކަމަށާއި، މި ހަރަކާތް މިހާ ކާމިޔާބު ކަމާއެކު ނިންމައި ލެވިގެން ދިޔައީ ވިންގްގެ އެސްކޯ ދަރިވަރުންނާއި، ބައިވެރިވި ކުދިންގެ އެއްބާރުލުމާއި އެހީތެރި ކަމާއެކު ކަމުން ހުރިހާ ފަރާތްތަކަށް ޝުކުރު އަދާ ކުރާކަމަށެވެ.“
