ތަރަޙައިގެ އަލަށް ހޮވުނު ހިންގާ ކޮމެޓީގެ މެމްބަރުންނާއި ފެކަލްޓީގެ ޑީން މުޙަންމަދު ޑީޑީ ބައްދަލު ކޮއްފިއެވެ. މި ބައްދަލުވުމުގެ މަޤުސަދަކީ ތަރަޙައިގެ ހިންގާ ކޮމެޓީ އާއި ފެކަލްޓީގެ މެނޭޖްމެންޓާ އޮތް ގުޅުން އިތުރަށް ބަދަހި ކުރުމެވެ.
މި ބައްދަލުވުމުގައި ޑީޑީ ޝަރ ދެއްކެވި ވާހަކަފުޅުގައި ތަރަޙަ އަކީ ސެންޓަރ ފޯރ ފައުންޑޭޝަން ސްޓަޑީސްގައި ކިޔަވަމުންދާ ކުދިންގެ ކުރި އެރުމައް އެތައް ގޮތަކުން މަސަތްކަތް ކުރަމުންދާ ހީވާގި ކުދިންތަކެއްގެ މައްޗައް އެކުލެވޭ ހިންގާ ކޮމެޓީ އެއް އޮތް ގޮތްޕެއްކަން އުފަލާއެކު ފާހަގަ ކޮއްފައެވެ. އަދި ތަރަޙައިގެ ހިންގާ ކޮމެޓީ އައް ފެކަލްޓީގެ ފަރާތުން ހިންގާ ހުރިހާ ހަރަކާތަކައް ދޭންޖެހޭ ފުރިހަމަ އެއް ބާރުލުން ދޭނެ ކަމުގެ ޔަޤީންކަން ދެއްވިއެވެ.
ތަރަޙައިގެ ރައީސް އަބްދުﷲ އަތޫފް ޢާތިފްގެ ވާހަކަފުޅުގައި ތަރަޙައިގެ މި އަހަރުގެ މަޤްސަދަކީ މިދިޔަ އަހަރަށް ވުރެން ގިނަ ހަރަކާތް ތަކެއް މި އަހަރު ބޭއްވުމެވެ. އަދި މިދިޔަ އަހަރައް ވުރެން ބޮޑު ކާމިޔާބެއް މި އަހަރު ހޯދުން ކަމަށެވެ. އެގޮތުން ތަރަޙައިގެ މި އަހަރުގެ އަމާޒަކީ އެންމެ ހިންގުންތެރި ގޮފިތަކުގެ ލިސްޓުުން ޖާގަ ހޯދުންކަމަށެވެ.
ހަމައެހެންމެ މިބައްދަލުވުމުގައި ތަރަޙައިން މި ދައުރުގައި ހިންގަން ހަމަޖެހިފައިވާ ހަރަކާތް ތަކުގެ އަދާހަމަތައް ވަނީ ޑީން އާއި ހިއްސާ ކޮއްފައެވެ.
މި ފުރުސަތުގައި ސެންޓަރ ފޯރ ފައުންޑޭޝަން ސްޓަޑީސް ގެ ޑީން އަދި ލެކްޗަރާސް އިން ދެއްވާ އެއްބާރުލުމަށް ތަރަޙައިގެ ފަރާތުން ވަނީ ޝުކުރު އަދާކޮއްފައެވެ.
ލިޔުނީ: ދަޔާނާ
ޙަސަން،
މީޑިއާ ކޯޑިނޭޓަރ، ތަރަޙަ
