ތަރަހަ މާހެފުން 1440 ނަމުގައި މާހެފުމެއް ބާއްވައިފިއެވެ. މި މާހެފުން ކުރިޔައް ގެންގޮސްފައި ވަނީ އޭ4-13 އަދި އޭ4-14 މިދެ ކުލާސް ރޫމުގައެވެ.
މި މާހެފުމަކީ ތަރަހައިން މިދިޔަ އަހަރުން ފެށިގެން ސިލްސިލާ ގޮތެއްގައި ކޮންމެ އަހަރަކު ރަމަޟާން މަހާއި ގުޅިގެން ބާއްވަމުން އަންނަ މާހެފުމެކެވެ. މި އަހަރުގެ މާހެފުން އިންތިޒާމް ކޮއްފައި ވަނީ ތަރަހައިގެ ހިންގާ ކޮމެޓީގެ މެމްބަރުންނާއި ތަރަހައިގެ ލީޑާރސް ގުރޫޕްގެ އިތުރުން ސީ އެފް އެސް ގެ އޮފީހާއި ގުޅިގެންނެވެ.
ތަރަހަ މާހެފުން 1440 ޝަރަފުވެރި ކޮއްދެއްވީ ޑެޕިޔުޓީ ވައިސް ޗާންސެލާރ އަލްފާޟިލާ ޢާއިސަތު ޝާހީން އާއި ޑީން އޮފް ސްޓޫޑެންޓްސް އަލްފާޟިލާ ނާދިޔާ އަހުމަދެވެ. މި މާހެފުމުގައި އެމް އެން ޔޫ އެސް ޔޫ ގެ ހިންގާ ކޮމެޓީގެ މެމްބަރުން ގެ އިތުރުން ފެސާ، އެސްޓާ އަދި އެފް އެޗް އެސްގެ ހިންގާ ކޮމެޓީ ތަކުގެ މެމްބަރުން ބައިވެރިވިއެވެ. މީގެ އިތުރުން ސީ އެފް އެސް ގެ ގިނައަދަދެއްގެ ދަރިވަރުން މާހެފުމުގައި ބައިވެރިވިއެވެ.
