އެމްއެންޔޫއެސްޔޫ އިން ސެންޓަރ ފޯރ ފައުންޑޭޝަން ސްޓަޑީޒް އަށް ކަނޑައަޅައިފައިވާ ގޮފި ތަރަހައިގެ އައު ހިންގާ ކޮމެޓީއާއި އެކު ތަރަހައިގެ އަމާޒަކީ ގަދަ ތިން ގޮފީގައި ހިމެނުން ކަމަށް ތަރަހައިގެ ރައީސް އަހުމަދު ޝާން ބުނެފިއެވެ.
ތަރަހައިގެ އައު ހިންގާ ކޮމެޓީގައި ހިމެނެނީ ރައީސް އަހުމަދު ޝާންގެ އިތުރުން ނައިބު ރައީސް(އަމަލީ)، މުހައްމަދު އަބްދުﷲ، ނައިބު ރައީސް (އިލްމީ) އައިމިނަތު އާނީ، ހަޒާންދާރު އައިމިނަތު ފަސީހާ، ސެކެޓްރީ ހަމްނާ ޝިހާމް އަދި މީޑިއާ ކޯޑިނޭޓަރ މުހައްމަދު އަބާން އެވެ.
ތަރަހައިގެ އައު ހިންގާ ކޮމެޓީ އާއި އެކު ތަރަހައިން އެންމެ ފުރަތަމަ ނުކުތް މުބާރާތަކީ އެމްއެންޔޫއެސްޔޫ އިންޓަރ ފެކަލްޓީ ވޮލީ މުބާރާތެވެ. މި މުބާރާތުގެ އަންހެން ޑިވިޝަނުގެ ސެމީ ފައިނަލާއި ހިސާބަށް ތަރަހައިގެ ޓީމު ދަތުރުކުރިއިރު، މި މުބާރާތުގެ ފިރިހެން ޑިވިޝަނުގެ ޗެމްޕިއަނުންނަކީ ތަރަހައިގެ ފިރިހެން ވޮލީ ޓީމެވެ. މިއީ ތަރަހައިގެ ތާރީހުގައި ވެސް އެމްއެންޔޫއެސްޔޫ އިންޓަ ފެކަލްޓީ ވޮލީ މުބާރާތުގެ ޗެމްޕިއަންކަން ހޯދި ފުރަތަމަ ފަހަރެވެ.
ތަރަހައިގެ ރައީސް ޝާން ވިދާޅުވީ މިއަހަރަކީ ނިމިދިޔަ އަހަރަށްވުރެ ހުރިހާ ގޮތަކުންވެސް ކާމިޔާބު އަހަރެއްގެ ގޮތުގައި ވެގެންދާނެ ކަމަށާއި، މިއަހަރު ކުރިޔަށް ހުރި ދުވަސްތަކުގައި ވަރަށް ބައިވަރު ހަރަކާތްތައް ރޭވިފައި ހުރިކަމަށެވެ. އެގޮތުން މިދިޔަ އަހަރުތަކެކޭ އެއްގޮތައް ތަރަހަ އެނުއަލް ކޮމިއުނިޓީ ޓްރިޕް މިއަހަރުވެސް އޮންނާނެ ކަމަށް ޝާން ވިދާޅުވިއެވެ.
ތަރަހައިން ވަނީ 2018 އަދި 2019 ވަނަ އަހަރު އެމްއެންޔޫއެސްޔޫގެ ޕްރޮގްރެސް ވިންގް އެވޯޑް ހޯދައިފައެވެ. އަދި ތަރަހައިގެ ދަރިވަހުން އަންނަނީ އެމްއެންޔޫއެސްޔޫގެ ލީޑާރސް ގްރޫޕްގައި ވެސް ތަފާތު ދައްކަމުންނެވެ.
ލިޔުނީ: މުހައްމަދު އަބާން މީޑިއާ ކޯޑިނޭޓަރ (ތަރަހަ)
