ސެންޓަރ ފޯ ފައުންޑޭޝަން ( ސީ.އެފް.އެސް) ގައި ޤާއިމު ކޮށްފައިވާ އެމް.އެން.ޔޫ.އެސް.ޔޫ ގެ ގޮފި ތަރަހައިގެ “ތިއޭޓަރ ވޯލްޑް” ވަރަށް ފުރިހަމަ ކަމާއި ކާމިޔާބު ކަމާއެކު ނިންމާލައިފިއެވެ.
04 ފެބްރުވަރީ 2022 ވީ ހުކުރު ދުވަހުގެ ރޭ ސީއޭ އޮޑިޓޯރިއަމް ގައި ބޭއްވިގެން ދިޔަ މި ހަރަކާތް ކުރިޔަށް ގެންދެވިފައިވަނީ ފަންޑް ރައިސިންގް ހަރަކާތެއްގެ ގޮތުގައެވެ.
ހުރިހާ ފެކަލްޓީތަކުގެ ކުދިންނަށް ވެސް ހުޅުވާލައިގެން ކުރިއަށް ގެންދިޔަ މިހަރަކާތުގައި ގާތްގަނޑަކަށް 150 އެއްހާ ދަރިވަރުން ވަނީ ބައިވެރިވެފައެވެ. މިއީ މިހަރަކާތް މިހާ ފުރިހަމަކަމާއި ކާމިޔާބުކަމާއެކު ކުރިއަށް ގެންދިޔުމަށް ލިބުނު އިތުރު ހިތްވަރެކެވެ.
މި ހަރަކާތުގެ މައިގަނޑު މަޤްސަދަކީ މި އަހަރުގައި ކުރިޔަށް ރޭވިފައި ހުރި ހަރަކާތްތައް ހިންގުމަށްޓަކައި މާލީ ގޮތުން ތަރަހައިގެ ބަޖެޓް އިތުރުކުރުމެވެ. ހަމައެއާއެކު ދަރިވަރުންގެ މެދުގައި އިތުރަށް ގުޅުން ބަދަހި ކުރުމެވެ.
”ތިއޭޓަރ ވޯލްޑް ވިތ ތަރަހަ” ގެ ނަމުގައި ކުރިޔަށް ދިޔަ މިހަރަކާތުގައި “ފުޑް ސްޓޯލް” އެއް ވެސް ވަނީ އިންތިޒާމް ކޮށްފައެވެ. އެގޮތުން ރަހަމީރު ބާބަކިއު ސޮސެޖާއި މަޖާ އަދި ޕޮޕްކޯން ފަދަ ކާތަކެތިން ވަނީ މޭޒު ފަޅުފިލުވައިދީފައެވެ.
އެހެން ފަހަރުތަކާއި ިހިލާފަށް މިފަހަރު މިހަރަކާތުގައި ވަނީ ތަފާތު ކަމެއްގެ ގޮތުގައި ލަކީ ޑްރޯއެެއް ވެސް ވަނީ ކުރިއަށް ގެންގޮސް ފައެވެ. މި ލަކީޑްރޯއިން ހޮވުނު ދަރިވަރު މައިހާ ޝިހާމަށް ވަނީ ސްވީޓެސްޓް ލިޓްލް ތިންގްސް އަދި ރާޔާސް ބްރައުނީސްގެ ފަރާތުން ގިފްޓް ބޮކްސް އެއް ހަދިޔާ ކޮށްފައެވެ.
“ތިއޭޓަރ ވޯލްޑް ވިތް ތަރަހަ” އާ ގުޅޭގޮތުން ވާހަކަ ދައްކަވަމުން ތަރަހައިގެ ނައިބު ރައީސް (އިތުރު ހަރަކާތް) މާސާ ސައީދު ވިދާޅުވީ މިހާ ފުރިހަމަކަމާއި ކާމިޔާބު ކަމާއެކު މި ހަރަކާތް ނިންމާލެވުމުން ވަރަށް ހިތްހަމަ ޖެހިއްޖެކަމާއި ތަރަހައިގެ ލީޑަރުންގެ ތެރެއިން މި ހަރަކާތަށް އެކި ގޮތްގޮތުން އެހީތެރިވެދެއްވި ހުރިހާދަރިވަރުންނަށް ޝުކުރު އަދާކުރާ ކަމަށެވެ. ހަމައެއާއެކު މި އަހަރަކީ ވެސް އެކި ގޮތް ގޮތުން ތަރަހަ އިތުރު ހަރުފަތަކަށް ކުރިޔަށް ދާނެ އަހަރަކަށް ވެގެންދާނެ ކަމަަށް އުންމީދު ކުރާކަމަށެވެ. މިހާ ފުރިހަމަ ކަމާއެކު މިހަރަކާތް ނިމިގެން ދިޔައީ އެމް.އެން.ޔޫ.އެސް.ޔޫ ގެ އެހީތެރި ކަމާއެކު ކަން ވެސް ފާހަގަކޮށް އެމް.އެން.ޔޫ.އެސް.ޔޫ ގެ ޓީމަށް ވެސް ޝުކުރު އަދާކޮށްފައި ވެއެވެ.
ތަރަހައިން އިންތިޒާމް ކޮށްގެން ކުރިއަށްދާނެ މިފަދަ އެތަކެއް ހަރަކާތެއް ވަނީ ކުރިޔަށް ރޭވިފައެވެ.
