ސިއާ – ތަރަހަ ”ވެލްކަމް ނައިޓް“ ހުކުރުދުވަހުގެ ރޭ ބާއްވަނީ

ފެކަލްޓީ އޮފް އާރޓްސް (އެފް.އޭ)ގެ ގޮފި ސްޓޫޑެންޓްސް އިނިއޭޓީވް އޮފް އާރޓްސް (ސިއާ) އާއި ސެންޓަރ ފޯ ފައުންޑޭޝަން ސްޓަޑީޒް (ސީ.އެފް.އެސް)ގެ ގޮފި ތަރަހައާ ގުޅިގެން މިއަހަރުގެ ދެވަނަ ސެމިސްޓާގެ ”ވެލްކަމް ނައިޓް“ ހުކުރުދުވަހުގެ ރޭ ބާއްވަން ނިންމައިފިއެވެ.

މި ހަރަކާތް ބާއްވަން ހަމަޖެހިފައިވަނީ ސެޕްޓެމްބަރ 2 ވަނަ ދުވަހުގެ ރޭ، 19:45ގައި، އެމް.އެންޔޫ ޕީއީ ހޯލްގައެވެ.

މިއީ މި އަހަރުގެ ދެވަނަ ސެމިސްޓަރގައި އެފް.އޭ އާއި ސީ.އެފް.އެސްއަށް ގުޅުނު ދަރިވަރުންނަށް މަރުޙަބާ ކިޔުމުގެ ގޮތުން ބާއްވާ ހަރަކާތެކެވެ.

ސިއާ އާއި ތަރަހައިން ގުޅިގެން ބާއްވާ ”ވެލްކަމް ނައިޓް“ގައި ގޮފިތަކުގެ ހިންގާ ކޮމިޓީގެ މެމްބަރުންނާއި އިސްވާރުން ތަޢާރަފްކޮށްދިނުމާއި ތަފާތު ގިނަ ކުޅިވަރުތަކާއެކު އެހެނިހެން ހަރަކާތްތައް ކުރިއަށް ގެންދިއުމަށް ވަނީ ހަމަޖެހިފައެވެ. މި ދެ ގޮފީގެ  މަޤްސަދަކީ މި ހަރަކާތްތަކުގެ އެހީގައި ގޮފިތަކުގެ މެމްބަރުންނާއި، ގޮފިތަކުގެ އިސްވާރުންނާއި އަދި ދަރިވަރުންގެ މެދުގައި ގުޅުން ބަދަހިކޮށް އެކުވެރިކަން އާލާކުރުމެވެ.

ތަރަހައިންވަނީ ފުރަތަމަ ސެމިސްޓަރގެ ވެލްކަމް ނައިޓްވެސް ކާމިޔާބުކަމާއެކު ބާއްވާފައެވެ. އަދި ސިއާ އިން ފެކަލްޓީ އޮފް އެޑިއުކޭޝަން ސްޓޫޑެންޓް އެސޯސިއޭޝަން (ފެސާ)އާއެކު ”ސުވާސްތި“ ނަމުގައި ބޭއްވުނު ވެލްކަމް ނައިޓް ނިންމާލީ ވެސް ކާމިޔާބުކަމާއެކުގައެވެ.

ސިއާ އަދި ތަރަހައިގެ އުންމީދަކީ މި ވެލްކަމް ނައިޓް ވެސް ކާމިޔާބުކަމާއެކު ނިންމާލުމެވެ.