19 މާރޗް 2023 ވީ އާދިއްތަ ދުވަހު ސީ.އެފް.އެސް އާއި ތަރަހަ ގުޅިގެން ވަނީ ސީ.އެފް.އެސް ދަރިވަރުންނަށް މާހެފުމެއް ބާއްވާފައެވެ.
މި ހަރަކާތް ކުރިޔަށް ގެންގޮސްފައިވަނީ ސީ.އެފް.އެސް ބިލްޑިންގެ 4 ވަނަ ފްލޯގައި މެންދުރު 12 އާއި 1:30 އާ ދެމެދުގައެވެ.
މި ހަރަކާތަކީ ކޮންމެ އަހަރަކުވެސް ސީ.އެފް.އެސް އާއި ތަރަހަ ގުޅިގެން ކުރިޔަށް ގެންދާ ހަރަކާތެކެވެ. މި އަހަރުގެ ހަރަކާތް ކުރިޔަށް ގެންދިޔުމަށް ސީ.އެފް.އެސް ދަރިވަރުންގެ ފަރާތުން ވަރަށް ބޮޑު އެހީތެރިކަމެއް ލިބިފައެވެ. އެގޮތުން މާހެފުމަށް ބޭނުންވާ ކާ އެއްޗެއްސާއި ފެނާއި އެހެނިހެން ތަކެތި ހަމަޖައްސާފައިވަނީ ދަރިވަރުން އަމިއްލަ އަށެވެ. އޭގެ ތެރޭގައި ދިވެހި ކެއުމުގެ ތެރޭގައި ހިމެނޭ ބައެއް ކާ އެއްޗެއްސާއި ޕިއްޒާ ކަހަލަ ދަރިވަރުންނަށް ކަމުދާނެ ކާ އެއްޗެހިވެސް ވަނީ މި މާހެފުމުގައި ހިމަނާފައެވެ.
ސީ.އެފް.އެސްގެ މާހެފުން ކާމިޔާބު ކަމާއެކު ނިމިފައިވާ އިރު، ސީ.އެފް.އެސްގެ ޑީން ވަނީ މިހަރަކާތުގައި ބައިވެރިވެ ދަރިވަރުންނާއި މުހާތަބުކޮށްފައެވެ.
