ދިވެހިރާއްޖޭގެ ޤައުމީ ޔުނިވަރސިޓީގެ ދަރިވަރުންގެ ޔޫނިއަން (އެމް.އެން.ޔޫ.އެސް.ޔޫ) ގެ ގޮފި ތަރަހައިގެ ފަރާތުން ދިވެހި ބަހުގެ ދުވަހާ ގުޅިގެން މި އަހަރުގެ ރަމަޟާން މަހުގައި ކުރިޔަށް ގެންދިޔަ ”ތަސްވީރުން ވާހަކަ“ މުބާރާތުން އެއްވަނަ ސެންޓަރ ފޯ ފައުންޑޭޝަން (ސީ.އެފް.އެސް)ގެ ދަރިވަރު ތައިބާ ހޮވިއްޖެއެވެ.
ރަމަޟާން މަހު ކުރިއަށް ގެންދިޔަ މި މުބާރާތުގެ ނަތީޖާ ފާޅުކޮށްފައިވަނީ ސީއޭ އޮޑިޓޯރިއަމްގައި 13 މެއި 2022 ވީ ހުކުރު ދުވަހުގެރޭގައި ބޭއްވުނު ރަމަޟާން އިވެންޓްސް ކްލޯޒިންގ ސެރެމަނީ ގައެވެ.https://mnusu.edu.mv/news/2022/12745
މުބާރާތުގެ ފަޚުރުވެރި އެއްވަނަ ތައިބާ ހާސިލުކޮށްފައި ވުމާއެކު މުބާރާތުގެ ތަށީގެ އިތުރުން @shmviphotos ގެ ފަރާތުން ވަނީ ހަދިޔާއެއްގެ ގޮތުގައި ހިލޭ ފޮޓޯޝޫޓަކަށް ދިއުމުގެ ފުރުސަތު ލިބިފައެވެ. ހަމައެއާއެކު މުބާރާތުގެ ދެވަނަ ހާސިލުކޮށްފައިވާ ދަރިވަރު ރާނިޔާ އަށް ލިބިފައިވަނީ ސްވީޓެސްޓް ލިޓްލް ތިންގްސްގެ ފަރާތުން ގިފްޓް ހެމްޕާއެކެވެ. އަދި 3 ވަނަ ހާސިލުކޮށްފައިވާ ދަރިވަރަށް ލިބިގެންދިޔައީ ތަރަހަ ހިންގާ ކޮމިޓީ މެންބަރުންނާއެކު ޚާއްސަ ރޯދަ ވީއްލުމެކެވެ.
މި މުބާރާތަށް ފަނޑިޔާރުކަން ކޮށްދެއްވީ @shmviphotos އާއި އެމް.އެން.ޔޫ.އެސް.ޔޫ މީޑިއާ ޓީމުގެ އިތުރުން ތަރަހައިގެ ހިންގާކޮމިޓީގެ ފަރާތުންނެވެ.
އެކި މުނާސަބާތްތަކާއި ގުޅިގެން ތަރަހައިގެ ފަރާތުން މިފަދަ މުބާރާތްތައް ދަނީ ރާވާ ހިންގަމުންނެވެ. އެގޮތުން ބަލާއިރު މި މުބާރާތުން އެއްވަނަ ހޯދާފައިވާ ފަރާތަކީ ތަރަހައިގެ ފަރާތުން ”ލިޓްރެސީ ވީކް“ އާ ގުޅިގެން ކުރިއަށް ގެންދިޔަ ފޮޓޯ ޗެލެންޖް މުބާރާތުން ވެސް އެއްވަނަ ހޯދާފައިވާ ފަރާތެވެ.
ތަރަހައިގެ ފަރާތުން މިފަދަ މުބާރާތްތަކާއި ހަރަކާތްތައް އިންތިޒާމުކޮށް ހިންގަމުން ދެއެވެ.
